ازاى تحتفظى بالذهب وتنظفيه

ازاى تحتفظى بالذهب وتنظفيه

احسن طريقة تحتفظى بالذهب فيها هو انك تشيلى كل قطعة من الذهب فى علبة قطيفة وبلاش تحطيهم

فى علبة واحدة ودة علشان مفيش قطعة تنجرح من التانية ، وبالتالى هتلاقى كل مجوهراتك بقت شكلها

زى القديم ، لو معندكيش علب قطيفة كتيرة ممكن تشترى اكياس قطيفة وتحطيه فيها ، وخدى بالك من

انك لازم تبتعدى تماما عن البرفانات وخصوصا مع الذهب الابيض لانها بتسبب فى فقدانه للمعانه .

اما بخصوص تنظيف الذهب لو عاوزة ترجعى للذهب لمعانه وبريقه زى ماتكونى لسة شرياه يبقى انقعى اى

قطعة ذهب عندك فى فنجانين من المية المغلية مضافا اليه محلول النشادر وبعد كدة ادعكيه بفرشة اسنان

ناعمة عشان يلمع وبعدها اشطفيه مية دافية ، او انك تدعكيه بلبابة الخبز ( قلب العيش الفينو او البلدى )

واشطفيه بعدها بمية دافية

وبلاش تنظقيه بمسحوق من مساحيق التنظيف فى البيت لانها بتعمل غشاوة على الذهب وبتقلل كتير من

بريقه ولمعانه ، دة غير ان المساحيق دى فيها مواد كميائية بتتفاعل مع الذهب ممكن انها تقلل من عدد

الجرامات الى فيه وبالتالى لما نيجى نبيعه بنلاقى ان عدد الجرامات قلت .

هذه التدوينة كُتبت ضمن التصنيف مقالات. الأوسمة: . أضف الرابط الدائم إلى المفضّلة.

اترك تعليقاً

هل أنت مستعد لربح مبلغ 100,000$ خلال 6 أشهر؟ إضغط هنا للمزيد من المعلومات